Ati”Abanyapolitiki bakoresha abaturage mu nyungu zabo. Ariko bakwiye kumva ko ibikorwa byabo bibagiraho ingaruka. Baba barashyizweho n’abaturage bagomba kukora ku nyungu zabo.”

Umuyobozi w’Umuryango Impunitywatch, David Taylor

Nyuma y’ubushakashatsi bw’imiryango 10 itegamiye kuri leta, byagaragaye ko amakimbirane mu karere k”Ibiyaga Bigari aterwa n’ibintu bitanu: Umutekano muke, ibibazo by’amasambu, ubukene, amoko n’ubuyobozi bubi.”

Umuyobozi wa Impunitywatch avuga ko bashatse kumenya icyo abatuye akarere babona gitera amakimbirane, bakabaza abantu 3000 barimo 1200 mu Rwanda, 1200 mu Burundi na 700 muri Repubulika Iharanira Demokarasi ya Congo.

Umuyobozi ushinzwe gukemura amakimbirane mu muryango OXFAM, Niyungeko Chartier avuga ko basanze imicungire mibi y’imitungo y’ibihugu, imitwe yitwaje intwaro, ubucuruzi bw’intwaro butemewe, imiyoborere mibi no gupfa amoko kw’abatuye akarere ari byo Bizana akaduruvayo muri politiki y’akarere.

Umuyobozi ushinzwe gukemura amakimbirane mu muryango OXFAM, Niyungeko Chartier

Ubwo bushakashatsi bwari bugamije kurebera hamwe inkomoko y’amakimbirane mu karere k’Ibiyaga Bigari, n’icyakorwa ngo akemurwe n’abaturage ubwabo.