Amashyaka yisunze FPR nayo yatangiye kwamamaza abakandida bayo

00:00:00 IGIHE NETWORK

KINYARWANDA

ENGLISH

FRANCAIS

Amashyaka yisunze FPR nayo yatangiye kwamamaza abakandida bayo

Yanditswe na

IGIHE

Kuya 27 August 2013 saa 06:57

Yasuwe :

Yavuzweho:

Mu gihe ibikorwa byo kwamamaza abakandida bazahatana mu matora y’abadepite byatangiye ku wa mbere yariki ya 26 Kanama 2013, ishyaka rya FPR n’andi yayisunze byatangiye kwiyamamaza ku mugaragaro aho ibi bikorwa byatangiriye mu Karere ka Kamonyi.
Ishyaka PPC, PDI, PSR na PDC ni amwe mu mashyaka yishyize hamwe na FPR mu rwego rwo gushaka ingufu muri aya matora y’abadepite, yagaragaje ko bimwe mu byo yemera ari bimwe n’ibya FPR maze yiyemeza kuyashyigikira.
Mu gutangira ibikorwa byo (…)

Ishyaka PPC, PDI, PSR na PDC ni amwe mu mashyaka yishyize hamwe na FPR mu rwego rwo gushaka ingufu muri aya matora y’abadepite, yagaragaje ko bimwe mu byo yemera ari bimwe n’ibya FPR maze yiyemeza kuyashyigikira.

Mu gutangira ibikorwa byo kwiyamamaza amwe muri aya mashyaka arimo PDI riyobowe na Musa Fazil Harerimana usanzwe ari Minisitiri w’Umutekano mu gihugu, yitandukanyije n’ibirango byayo maze afata ibirango bya FPR, mu kwerekana ko bishyize hamwe kandi ko intero ari imwe.

Mukabaramba Alivera ukuriye PPC avuga ko mu kwisungana na FPR ari uko basanze gahunda zayo zisobanutse.

Mukabaranga Agnes Umuyobozi wa PDC na we yagaragaje ko hari isano ishyaka ayoboye rifitanye na FPR, akaba ariyo mpamvu biyemeje kurishyigikira bivuye inyuma, ndetse bakaryisunga mu gutanga abakandida bari ku rutonde rw’abazatorwamo abadepite. Mukabaranga kandi aratera intero imwe na Rucibigango Jean Baptiste ukuriye ishyaka PSR, kuko nawe avuga ko imigambi ya FPR ari myiza bakaba bagomba kuyishyigikira.

Aya mashyaka kandi yahawe umubare muto w’Abadepite ku rutonde rumwe rwatanzwe na FPR, amaze igihe kinini ashyigikira iri shyaka riri ku butegetsi mu Rwanda rikaba kandi ryariganje mu kugira umubare munini mu bagize inteko Ishinga amategeko mu myaka yashize.

Nubwo aya mashyaka byitwa ko yisunze FPR, nyamara ibirango byayo biba bigaragara mu gihe cyo kwiyamamaza biba ari mbarwa, mu gihe usanga abayoboke ba FPR ari uruvunganzoka.

Kuba aya mashyaka yarahisemo kwisunga FPR bamwe bavuga ko biterwa n’ubuke bw’abayoboke aya mashyaka afite, ndetse no kuba atarabasha kwigira no kwigirira icyizere kuburyo yo ubwayo yakwemera guhatana atisunze akabando.

Uretse ubu bwisungane mu badepite, aya mashyaka yakunze kugaragaza gushyigikira FPR, dore ko no mu matora aherutse yari yashyigikiye umukandida wa FPR Inkotanyi, uretse PPC, PL na PSD bari batanze abakandida babo.

Abakuru b’amashyaka yisunze FPR mu kuyamamaza