Kuri iki Cyumweru nibwo Rigathi Gachagua yabwiye Citizen TV ko muri Banki Nkuru y’Igihugu hari amadevize adahagije bityo ko gutumiza ibicuruzwa hanze biri kuba ihurizo harimo no kwinjiza ibikomoka kuri peteroli.

Yagize ati “N’ejo hashize twahuye n’ikibazo kuko muri Banki Nkuru, twasanze nta madevize ahari yo gutumiza ibikomoka kuri peteroli.”

Banki Nkuru yahise ibihakana, ivuga ko ibyatangajwe atari ko bimeze. Mu itangazo iyo banki yashyize hanze, yavuze ko ubusanzwe abacuruzi bashaka gutumiza ibintu hanze, amafaranga batayavana muri Banki Nkuru y’Igihugu ahubwo bayakura muri Banki z’ubucuruzi bakorana nazo.

Iyi banki kandi yongeyeho ko ububiko bwayo bw’amadevize nta kibazo na kimwe bufite.

Uko kunyuranya kw’izi nzego kwatumye bamwe mu Banya-Kenya bakeka ko hari ikibazo gikomeye, cyane cyane ku ruhande rwa Banki Nkuru. Bavuga ko byashoboka ko ibyavuzwe na Visi Perezida ari ukuri, ahubwo Banki Nkuru yanze kubyemera ngo idateza ikibazo ku isoko ry’ivunjisha.

Rigathi Gachagua yavuze ko hari ikibazo cy'amadevize, Banki Nkuru iramunyomoza