Ni umwanzuro watangajwe n’umwe mu banyamategeko ba Leta ya Mali, wemezwa n’umwe mu bakozi b’uwo muryango nk’uko RFI yabitangaje.

Bibaye mu gihe kuri uyu wa Gatanu tariki 25 Werurwe hateganyijwe inama y’abakuru b’ibihugu byo mu Burengerazuba bwa Afurika, inama yatumiwemo bwa mbere Perezida w’inzibacyuho muri Mali, Colonel Assimi Goïta.

Muri Gashyantare uyu mwaka nibwo Mali yatanze ikirego mu rukiko, yinubira ibihano yafatiwe n’abakuru b’ibihugu bigize Umuryango wa Afurika y’Iburengerazuba, nyuma yo gutangaza ko ubutegetsi bw’inzibacyuho muri Mali buzamara imyaka itanu aho gutanga igihe gito.

Mali yahaniwe kunanirwa gutegura amatora mu gihe cyagenwe nyuma y'ihirikwa ry'ubutegetsi muri Gicurasi 2021