Sosiyete y’Indeye ya British Airways yahagaritse ingendo zijya muri Kenya nyuma y’uko Leta y’icyo gihugu ihagaritse ingendo zituruka mu Bwongereza.

U Bwongereza buherutse gushyira Kenya ku rutonde rw’ibihugu byugarijwe na Covid-19, bityo abagenzi baturuka muri icyo gihugu babuzwa kwinjira mu Bwongereza.

Ibi byarakaje Kenya nayo itangaza ko ingendo zose zituruka mu Bwongereza zijya muri icyo gihugu zihagaritswe.

Ibi ni byo byatumye British Airways ihagarika ingendo zose zijya muri Kenya, kuko bidashoboka ko ikomeza ingendo nyuma yo guhagarikwa na Kenya.

Iki kigo cyatangaje ko abakiliya bari baraguze amatike ajya muri Kenya bazasubizwa amafaranga yabo, cyangwa se bagahinduza amatike kugera nibura ku itariki 30 Mata 2023.

Hari hashize iminsi ine Kenya Airways itangaje ko ihagaritse ingendo zihuza Kenya n’u Bwongereza.

British Airways yahagaritse ingendo zijya muri Kenya