Abaminisitiri bagize guverinoma y’inzibacyuho yatangajwe na Perezida wa Burkina Faso Michel Kafando ku cyumweru, biganjemo abasirikare nubwo abaturage bari barabirwanije bakimara guhirika Blaise Compaoré.

Muri guverinoma nshya, Perezida Michel Kafando ni nawe uzayobora minisiteri y’ububanyi n’amahanga, Lt. Col Isaac Zida ni Minisitiri w’Intebe akaba n’uw’ingabo.

Abandi basirikare batatu binjiye muri guverinoma ni Col. Auguste Denise Barry washinzwe minisiteri y’umutekano, Col. Boubacar Ba ugiye kuyobora minisiteri y’umutungo kamere na Joséphine Ouédraogo, wigeze kwiyamamariza kuyobora igihugu, washinzwe minisiteri y’ubutabera.

Inama ya mbere y’abaminisitiri iraba kuri uyu wa mbere bahite banatangira imirimo bashinzwe.

[email protected]