Blaise Compaore yarakajwe bikomeye n’amagambo Minisitiri w’Intebe w’Inzibacyuho wa Burkina Faso, Isaac Zida aheruka kuvuga tariki ya 27 Ugushyingo atangaza ko Burkina Faso izasaba Maroc Kohereza Blaise Compaoré ngo akurikiranwe n’ubutabera aryozwa urupfu rwa Thomas Sankara.

Ikinyamakuru Jeune Afrique kivuga ko ibi byatewe n’uko umunsi ahunga igihugu yirukanywe n’abaturage tariki ya 31 Ukwakira, Zida yamwihakanye kandi baravugaga rumwe cyane.

Compaore avuga ko ababajwe cyane n’ukuntu Zida wari inkoramutima ari we wafashe iya mbere mu gutiza umurindi abaturage none n’aho ahungiye akaba amukurikiza amagambo airmo no kumuvana mu buhungiro no kumuryoza urupfu rwa Sankara.

Aho yari ari mu Buhungiro i Yamoussoukro muri Cote d’Ivoire Blaise Compaoré yahamagaye Lt. Co. Zida nk’uwo yahoze ayobora ashaka kumutonganya aramwitaba yumva ibyo amubwira n’umutima mwiza.

Icyakora nyuma Zida yahise ahindura nimero za telephone ye kugira ngo yirinde kuzongera kuvugana nawe.