Indangamuntu bita ‘carte d’identite biometrique’ mu rurimi rw’igifaransa, iriho ibiranga umuntu bwite nk’amaso hamwe n’igikumwe cye bibitse mu buryo bw’ikoranabuhanga, ni yo igiye guhabwa abanyamahanga baba i Burundi.

Mu itangazo ryasohowe n’urwego rushinzwe umutekano mu Burundi, hagaragaramo ko abakomoka ku mugabane wa Aziya bibaruza guhera tariki ya 1 kugeza ku ya 18 Werurwe 2016.

Hazakurikiraho Abanyaburayi baziyandikisha kuva tariki 21 kugeza tariki ya mbere Mata. Nyuma y’abo hazakurikiraho abo ku mugabane wa Amerika na Océanie baziyandikisha kuva ku tariki 4 kugera ku ya 15 Mata.

Uku kwiyandikisha bizakomereza ku bakomoka ku mugabane wa Afurika hagati y’itariki 18 kugeza tariki ya 29 Mata 2016, nk’uko BBC yabitangaje.

Nubwo impamvu y’uku kwandika abanyamahanga no kubaha irangamuntu itavuzwe, akenshi ibihugu bifata umwanzuro nk’uyu mu rwego rwo kumenya umubare w’ abanyamahanga babirimo nicyo bahakora, kubera impamvu z’umutekano, ubukungu n’ibindi.

Umurwa mukuru w'u Burundi, Bujumbura

[email protected]