Umuyobozi w’ishyaka Frodebu Nyakuri ritavuga rumwe n’Ubutegetsi, Minani Jean yavuze ko ibyakozwe na Sena ari nko gusaba Nkurunziza ko yasobanura Itegeko Nshinga. Yakomeje avuga ko urwo rukiko rugizwe n’abafata Perezida Nkurunziza nk’umuntu w’agaciro ku buryo ntacyo bamwima.

Umwe mu baharanira Uburenganzira bwa muntu mu Burundi, Pierre Claver Mbonimpa wari watawe muri yombi akaza kurekurwa, yavuze ko Sosiyete Sivile itazakomeza kurebera, ahubwo ko bazakomeza gushyigikira imyigaragambyo, asaba Leta kwemera ibiganiro n’abatavuga rumwe nayo.

Kuva kuwa gatandatu tariki ya 25 Mata 2015, ishyaka CNDD – FDD ryakwemeza Perezida Nkurunziza nk’umukandida, abatavuga rumwe n’Ubutegetsi bwe bahise batangira kwigaragambya.

Bivugwa ko kugeza ubu, batanu aribo bamaze kugwa mu myigarambyo.

Kuva kuwa gatatu tariki ya 29 Mata 2015, Muri kaminuza ya Leta ho ngo abanyeshuri ntibigeze bagaburirwa, abayobozi ba Kaminuza bakavuga ko byategetswe n’abayobozi mu nzego zo hejuru mu gihe bamwe mu banyeshuri barimo gutaha.

Umuvugizi w’ubushinjacyaha, Agnès Bangiricenge yatangaje ko abafatiwe mu myigaragambyo guhera ku cyumweru, bakurikiranyweho kwinjira mu mutwe ugamije guhungabanya umutekano.

Nyuma y’ubwigenge tariki ya 1 Nyakanga 1962, U Burundi bwakunze kurangwa n’ibibazo by’amoko byanateje intambara yabaye hagati y’imyaka 1993 na 2006 ikaza guhitana abasaga ibihumbi 300.

[email protected]

@NtakirutaDeus