Nk’ uko bitangazwa na Perezidansi y’ u Burundi, Nkurunziza yasohoye iteka n°100/156, rigaragaza ihinduka ry’ aba bari muri guverinoma ye.

Gen.Pontien Gaciyubwenge wari Minisitiri w’ ingabo yasimbuwe na Emmanuel Ntahomvukiye; Alain Aimé Nyamitwe yagizwe Minisitiri w’ ububanyi n’ amahanga asimbuye Ambasaderi Laurent Kavakure, naho Irina Inantore agirwa Minisitiri w’ ubucuruzi.

Aimé Nyamitwe wagizwe Minisitiri w’ ububanyi n’amahanga ni umuvandimwe wa Willy Nyamitwe, umuvugizi wa Perezidansi y’ u Burundi.

Ihindurwa rya bamwe mu bagize Guverinoma ribaye nyuma y’ uko kuwa gatatu w’icyumweru gishize Maj. Gen. Niyombare Godefroid yatangaje ko ahiritse ubutegetsi bwa Pierre Nkurunziza, gusa iki gikorwa kikaza kuburizwamo.