Amakuru aturuka i Bujumbura avuga ko uyu munyamategeko yaje muri iki gihugu aje kuburanira bane muri 28 bashinjwa gushaka guhirika ubutegetsi mu Burundi tariki 13 na 14 Gicurasi 2015 mu rubanza rwabereye i Gitega ku wa Mbere tari 14 Ukuboza 2015.

Nta mpapuro zishinja Me Bernard Maingain zasohowe ariko Umushinjacyaha Mukuru w’u Burundi yavuze ko uyu mugabo yafatanyije n’abo aburanira mu mugambi wo gushaka guhirika ubutegetsi ariko ntiyabisobanuye birambuye.

Ikinyamakuru La Libre Belgique kivuga ko mbere y’uko urubanza ruba, Me Bernard Maingain yari yasabe Umuryango w’Abibumbye ko wacunga umutekano abunganira mu mategeko abaregwa uko ari 28.

Me Bernard Maingain yemera kandi ko yagize uruhare mu kuvanwa mu gihugu kw’abantu babiri bahoze bakorana bya hafi na Jenerali Adolphe Nshimirimana wari ukuriye urwego rw’iperereza nyuma y’uko yicwa.

Kuva muri Mata uyu mwaka u Burundi bwaranzwe n’imvururu zishingiye kuri manda ya gatatu ya Perezida Nkurunziza itaravuzweho rumwe aho abarenga 300 bamaze kuhasiga ubuzima ndetse abasaga ibihumbi 200 bahunga igihugu.