Kuva kuwa kabiri tariki ya 28 Mata 2015, imbuga nkoranyambaga zitandukanye zarafunzwe ku matelefone agendanwa i Bujumbura, mu gihe no kubona amafarnga yo guhamagara bigoranye.

Biravugwa ko izo mbuga zafunzwe n’Ikigo kigenzura ibyerekeranye n’Itangazamakuru ,ARCT( Agence de Régulation et de Contrôle des Telecoms), aho ngo cyandikiye amashyirahamwe asanzwe agenzura izo mbuga gisaba imbuga zimwe na zimwe gihagarika.

Izo mbuga zahagaritswe akaba ari whatsapp, Twitter, Facebook na Tango.

Guhagarika Imbuga Nkoranyambaga bibaye nyuma yaho imwe mu ma Radiyo yigenga RPA, ihagaritswe nyuma y’umunsi umwe hatangiye imyigaragambyo yo kwamagana manda ya gatatu ya Perezida Pierre Nkurunziza.

Izindi Radiyo nka Bonesha FM na Isanganiro nazo zarafunzwe.