Umuvugizi wa Minisiteri y’Ingabo ya Cameroon Didier Badjeck yabwiye Ibiro Ntaramakuru by’Abafaransa ko muri iyo mirwano yabereye mu gace ka Waza haguye abasirikare batanu.

Umutwe wa Boko Haram, ufite ibirindiro muri Nigeria, ukomeje kugaba ibitero mu bihugu bituranye cyane cyane muri Cameroon na Tchad. Imirwano ya Boko Haram imaze kugwamo abagera ku bihumbi 13 000 kuva mu 2009.

Abarwanyi ba Tchad, Cameroon na Niger biyemeje guhangana na Boko Haram

Abahagarariye ibihugu 10 bahuriye mu murwa mukuru wa Cameroon, Yaounde ku wa mbere mu nama y’Umuryango w’Ibihugu bya Afurika yo Hagati, ECCAS basaba amahanga kongera ubufasha mu kurwanya Boko Haram.

Basabye ko hashyirwaho ikigega cya miliyonu 86 z’amayero zo kurwanya uwo mutwe.

Ibihugu cya Tchad, Cameroon, Niger na Nigeria byashyize umukono ku masezerano y’ubufatanye mu kurwanya uwo mutwe ushaka gushinga Leta igendera ku matwara akarishye y’idini rya Islam.