Côte d’Ivoire na Guinée équatoriale byatorewe kujya mu kanama k’umutekano ka Loni

00:00:00 IGIHE NETWORK

KINYARWANDA

ENGLISH

FRANCAIS

Côte d’Ivoire na Guinée équatoriale byatorewe kujya mu kanama k’umutekano ka Loni

Yanditswe na Evariste Nsengimana

Kuya 3 June 2017 saa 09:24

Yasuwe :

Yavuzweho:

Inteko rusange ya Loni yatoreye ibihugu bitandatu birimo Côte d’Ivoire na Guinée équatoriale byo ku mugabane wa Afurika, gusimbura ibigiye kurangiza manda yabyo y’imyaka ibiri mu kanama k’umutekano k’uyu muryango.

Mu matora yabaye ku wa 2 Kamena 2017, hatowe Côte d’Ivoire na Guinée équatorialebyo ku mugabane w’Afurika hamwe na u Buholandi, Kuwait, Peru na Poland.

Urubuga rwa Loni dukesha iyi nkuru ruvuga ko ibi bihugu byatowe bizasimbura u Butaliyani, u Buyapani, Misiri, Senegal, Ukraine na Uruguay bizarangiza manda yabyo mu mpera za 2017, naho ibyatowe bigatangirana na Mutarama 2018.

Akanama k’umutekano ka Loni kagizwe n’ibihugu 15, birimo u Bwongereza, u Bushinwa, u Bufaransa, u Burusiya na Leta Zunze Ubumwe za Amerika bifite icyicaro gihoraho n’ibindi 10 bitorerwa manda y’imyaka ibiri.

Umuyobozi Mukuru w’umuryango uharanira uburenganzira bwa muntu, Human Right Watch, Louis Charbonneau, avuga ko Guinea Equatorial itorewe bwa mbere kujya muri aka kanama, ari igihugu cyarangwagamo ibikorwa bikandamiza uburenganzira bwa muntu bikaba bizagira akamaro gakomeye nubwo ibihugu bihoraho ari byo bifite ijambo rikomeye.