Radio Okapi yatangaje ko ifite amakuru avuga ko kuri uyu wa Gatatu umuyobozi wa Maï-Maï, wiyise Maachano, yagarutse muri aka gace [Katuunda], maze abaturage bagatangira guhunga.

Biravugwa ko Maachano yaje muri aka gace asangamo Général Matata Mpumuje uyobora, Nyatura, undi mutwe w’inyeshyamba ugizwe n’abarwanyi biyita Abakorerabushake.

Nyuma y’uko tariki ya 24 Werurwe uyu mwaka aka gace kongeye kwigarurirwa n’inyeshyamba z’aba- Maï-Maï, ngo abaturage bahise batangira kukavamo, bahunga ikorwa by’ihohotera bikorwa n’inyeshyamba.

Uburasirazuba bwa Repubulika Iharanira Demukarasi ya Congo ni igice kimaze imyaka isaga 25 kivugwamo umutekano muke, kubera inyeshyamba zirambye mu mashyamba ahari.

DRC Abaturage bashize mu gace bari batuyemo bahunga ibitero by’inyeshyamba (Ifoto ya CNT)