Uru rugomero rwiswe Grand Ethiopian Renaissance Dam rwubatswe ku kugezi wa Nil Bleu.

Nubwo rwatashywe, haracyari imirimo itaruzura kuko ruzuzura neza mu 2024.

Kugeza ubu uru rugomero ruri gutanga megawati 375 mu gihe nirwuzura ruzaba rutanga megawati 5000. Bizatuma umuriro Ethiopia yari ifite wikuba kabiri.

Kubaka uru rugomero byatangiye mu 2011, rukaba rwarateje ubwumvikane buke hagati ya Ethiopia n’ibindi bihugu bihurira kuri Nil nka Misiri na Sudan.

Ibyo bihugu byavugaga ko bifite impungenge z’uko kuzuza urwo rugomero amazi bizagabanya ayabageragaho dore ko byinshi bicungira kuri uwo mugezi.

Abiy Ahmed yafunguye uru rugomero ari kumwe na Hailemariam Desalegn wahoze ari Minisitiri w'Intebe wa Ethiopia

Minisitiri w'Intebe wa Ethiopia Abiy Ahmed ni we wafunguye uru rugomero

Uru rugomero nirwuzura neza ruzaba ari urwa mbere runini muri Afurika