Ni nyuma y’uko zigaragaye mu Majyepfo ya Ethiopia na Kenya. Kuri uyu wa mbere FAO yatangaje ko hari ibyana by’inzige byagaragaye mu bice bya Ethiopia, Somalia bikaba bisatira Kenya.

Uyu muryango watangaje ko hatagize igikorwa, muri uku kwezi inzige zagera muri Kenya yose, Tanzania, Sudani y’Epfo na Uganda.

Inzige ziteje ikibazo cy’umutekano w’ibiribwa mu karere. Umwaka ushize, ibi byonnyi byangije ibihingwa byinshi mu karere.

FAO yasabye ibihugu gushyira imbaraga mu bwirinzi bugamije kugabanya ingaruka z’inzige ziramutse zihageze.