Perezida Tshisekedi yatumiwe na mugenzi we Evariste Ndayishimiye aho biteganyijwe ko azagirana na we ibiganiro bizabera mu ngoro y’Umukuru w’igihugu iherereye mu Murwa Mukuru wa Politiki, Gitega.

Nk’uko ibiro bishinzwe itangazamakuru muri Perezidansi y’u Burundi byabisobanuye, abakuru b’ibihugu byombi bazasura imishinga y’ubuhinzi mu ntara zitandukanye z’iki gihugu.

Perezida Ndayishimiye yaherukaga kugirira uruzinduko muri RDC umwaka ushize aho we na mugenzi we bashyize umukono ku masezerano y’imikoranire yo kubaka umuhanda wa gari ya moshi uhuza Umujyi wa Bujumbura na Kindu unyuze i Bukavu na Kamituga.