Ku munsi w’ejo wo ku wa kabiri ni bwo ibyavuye mu amatora ya kamarampaka [Referandumu] byemeje ko abatoye bemeza iryo tegeko ari bo biganje kuko bari ku kigero cya 70%, ni mugihe abagera kuri 30% ari bo batoye barirwanya.

Imibare igaragaza ko abagera kuri 544, 060 batoye, bakaba bari ku kigero cya 60 ugereranyije n’abari biyandikishije.

Byitezwe ko izi mpinduka rizaha Perezida uyoboye inzibacyuho muri iki gihugu, Horta Inta-A Na Man ububasha bwo guhindura amatetegeko agenga amatora, ndetse no kugena ibisabwa abiyamamaza ku mwa wa Perezida.

Ni mu gihe kandi mu kwezi k’Ukuboza uyu mwaka hateganyijwe amatora ya Perezida wa Repubulika muri iki gihugu.

Nubwo bimeze uko, ishyaka ritavuga rumwe n’ubutegetsi rizwi nka PIGC ryasabye abayoboke baryo gutera utwatsi ibyavuye muri iyo referandumu.

Umuyobozi w’iryo shyaka, Domingo’s Simoes Pereira yatangaje ko abashyigikiye iyo referandumu bagamije kwica no gushyingura ubwisanzure na demokarasi mu gihugu.

Mu busanzwe, Guinea-Bissau ni igihugu cyakunze kurangwamo guhirika ubutegetsi kuko na Perezida uriho yagiyeho mu mwaka ushize wa 2025 ahiritse ubutegetsi bw’uwariho, Umaro Sissoco Umbalo’.

Iyo Coup d’etat yahise iba iya munani mu mateka y’icyo gihugu.

Guinea-Bissau: Hemejwe Itegeko Nshinga rishya rizaha perezida ububasha buhambaye