Byavuzweho kuri uyu wa Gatatu ubwo Minisitiri w’Ikoranabuhanga Dr Chris Baryomunsi yitabaga Komisiyo y’Inteko ishinzwe abana.

Umuyobozi wungirije w’Inteko Ishinga Amategeko ya Uganda, Thomas Tayebwa yavuze ko ntacyo Guverinoma ya Uganda yahomba mu gufunga imbuga zinyuzwaho amashusho y’urukazasoni.

Ati “Abana bacu babangamiwe n’amashusho yabo arimo ubugizi bwa nabi (cartoons), abangavu bacu birirwa bahura n’amashusho y’urukozasoni. Ngaho mumbwire icyo twahomba turamutse dufunze imbuga zinyuzwaho amashusho y’urukozasoni? Filime z’ubusambanyi ziri kutwicira abana.”

Tayebwa yatanze urugero ku bihugu bigendera ku mahame ya Islam, aho imbuga zerekana amashusho y’urukozasoni zifungwa kandi ntibigire ingaruka ku bukungu bwabyo.