Ibi biri kwibazwa mu gihe bikekwa ko icyorezo cya Covid-19 kimaze gukaza umurego muri Tanzania, nyuma y’uko abantu batatu baturutseyo bagana muri Angola, baherutse gusangwamo ubwoko bwa Covid-19 bwihinduranyije (mutation) inshuro 10 kurusha ubundi bwoko bwagaragaye mbere.

Abavuga ko Perezida Hassan ashobora guhindura ibintu babishingira ku makuru aherutse kugaragara ku rubuga rwa Minisiteri y’Ubuzima muri Tanzania, agaruka ku buryo bwo kwirinda Covid-19, burimo kwambara agapfukamunwa no kwisukura intoki cyane.

Icyakora kuba Perezida Hassan yaragaragaye mu muhango wo gushyingura Perezida Magufuli atambaye agapfukamunwa, byatanze ubutumwa butari bwiza, ku buryo hakiri impungenge ku murongo azafata.

Tundu Lissu utavuga rumwe n’ubutegetsi muri Tanzania, yavuze ko bigoye cyane ko Tanzania yakomeza kubaho ihisha ukuri ku cyorezo cya Covid-19, avuga ko hakenewe ingamba zirimo gupima abantu kugira ngo ubukana bw’icyo cyorezo bumenyekane ndetse n’ingamba zirimo gushaka inkingo zifatwe, dore ko Umuyobozi w’Ishami ry’Umuryango w’Abibumbye ryita ku Buzima, OMS, Tedros Adhanom Ghebreyesus, aherutse kuvuga ko yiteguye gukorana na Perezida Hassan ku birebana n’icyorezo cya Covid-19