Ikigo gishinzwe kugenzura iby’Ingufu n’Amazi muri Tanzania cyatangaje ko ibiciro by’ibikomoka kuri peteroli byazamutse ku rwego rutigeze rubaho ikindi gihe ku isoko ry’imbere mu gihugu.

Uhereye ku wa 6 Nyakanga 2022, litiro ya lisansi iragura Tsh3220 (1,38$) i Dar es Salaam ivuye ku Tsh2994 (1,28$) mu kwezi gushize mu gihe litiro ya mazutu igeze ku Tsh3143 (1,35$) ivuye ku Tsh3131 (1,34$).

Ibi biciro byashoboraga kuba byazamutse kurushaho iyo Guverinoma ya Tanzania idashyiramo nkunganire ya miliyari zigera ku 100 z’amashilingi ya Tanzania (miliyoni 42$) buri kwezi uhereye muri Kamena nk’uko The Eastafrican yabitangaje.