KFC izwi cyane kubera ifiriti yayo n’inyama z’inkoko icuruza kandi akenshi bigakorwa ku giciro gito.

Umwanzuro wo guhagarika KFC muri Lesotho waturutse ku cyemezo giherutse gufatwa na Guverinoma y’icyo gihugu, cyo guhagarika kwinjiza mu gihugu inkoko ziturutse muri Afurika y’Epfo.

Byahise bikoma mu nkoko KFC dore ko inkoko zifashishwaga muri Lesotho zaturukaga muri Afurika y’Epfo.

Ibihugu byinshi byo muri Afurika y’amajyepfo bimaze iminsi bihagarika kwinjiza inkoko zo muri Afurika y’Epfo kubera ibicurane by’ibiguruka mu nkoko. Nka Mozambique nayo iherutse kubuza abantu kurya inkoko 45 000 zari zinjijwe nyuma yo kuvumbura ko zirwaye icyo cyorezo.

KCF yahagaritse ibikorwa muri Lesotho