Imibare y’abamaze guhitanwa na Ebola muri RDC igeze ku 2150

Yanditswe na Twarabanye Venuste
Kuya 22 Ukwakira 2019 saa 11:16
Yasuwe :
0 0

Imibare y’Ikigo Nyafurika gikurikirana kikanarwanya indwara (Africa CDC) yerekanye ko abamaze kwicwa na Virusi ya Ebola ikomeje gukwirakwira muri Repubulika Iharanira Demokarasi ya Congo bageze ku 2150.

Mu ntangiro z’uku kwezi iki kigo cy’Umuryango wa Afurika yunze Ubumwe cyari cyatangaje ko imibare y’abamaze guhitanwa n’icyo cyorezo igeze ku 2133.

Imibare iheruka yo ku wa 13 Ukwakira irebana n’uko icyo cyorezo gihagaze irerekana ko abapfuye bageze ku 2150.

Muri Nzeri, imibare yerekanaga ko abantu 3191 abaribo bagaragaweho na Ebola ariko uyu mubare wiyongeyeho 29 bagera ku 3220.

Imibare y’abakize icyo cyorezo nayo yariyongereye bava kuri 991 bari bagaragajwe tariki 29 Nzeri bagera ku 1033 mu cyumweru gishize.

Byatumye imibare y’abibasiwe na Ebola iguma kuri 67% nk’uko Ibiro Ntaramakuru by’Abashinwa byabitangaje.

Ihuriro ry’abahagarariye ibihugu 55 bya Afurika, binyuze mu kigo Nyafurika gikurikirana kikanarwanya indwara, ryahamagariye ibihugu byabo n’imiryango yigenga guhuza imbaraga mu kurwanya icyorezo cya Ebola muri RDC n’ibihugu bihana imbibi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza