Ni yo myigaragambyo ya mbere ibaye kuva mu 2014 ubwo Perezida al-Sisi yafataga ubutegetsi. Ibihumbi by’abaturage byahuriye kuri Tahrir Square mu Mujyi wa Cairo rwagati, ahantu habereye indi myigaragambyo ikomeye mu 2011, basaba ko Perezida uriho ubu yegura.

Usibye muri aka gace, imyigaragambyo yabereye kandi no mu bindi bice by’igihugu. Barashinja Perezida Sisi ko Guverinoma ye yamunzwe na ruswa.

Nibura abantu 74 nibo byavuzwe ko batawe muri yombi muri iyi myigaragambyo.

Perezida Sisi yamaganye ibirego by’abigaragambya, avuga ko ari ibihimbano bisa.
Uyu mugabo yagiye ku butegetsi nyuma y’uko na none mu gihugu habaye imyigaragambyo ikomeye yasize Perezida Mohammed Morsi akuwe ku butegetsi.

Mu mijyi itandukanye yo mu Misiri habereye imyigaragambyo isaba Perezida Sisi kwegura

Abaturage bashinja Guverinoma ya Sisi ruswa