Abagaba bombi baganiriye ku mikoramire irimo kumenya imbago za buri ruhande, imicungire y’ikirere cyo mu duce bagenzura, ubufatanye mu bwirinzi, gusangira amakuru y’ubutasi, ubufatanye mu gusangizanya ibikoresho nk’imiti, gufashanya mu buvuzi bwihuse n’ibindi.

Ingabo za MONUSCO zimaze imyaka irenga 20 mu Burazirazuba bwa Congo mu gihe iza EAC zatangiye kuhagera mu Ugushyingo umwaka ushize, nyuma y’ibiganiro byahuje abayobozi b’akarere mu gushakira umuti ibibazo by’umutekano biri muri RDC.

Uburasirazuba bwa Congo bumaze igihe bwarazahajwe n’imitwe yitwaje intwaro isaga 120 ihakorera, mu gihe ingabo z’icyo gihugu zananiwe kuyitsinsura.

Ingabo za EAC zoherejwe muri RDC zigizwe n’izituruka mu bihugu bya Kenya, u Burundi, Sudani y’Epfo na Uganda.

Angola yatangaje ko nayo izohereza ingabo zayo ariko zizaba zije mu bufatanye busanzwe hagati y’ibihugu byombi.

Maj Gen Jeff Nyagah ubwo yaganiraga Lt Gen Otávio Rodrigues de Miranda Filho