Mu 2014 nibwo Umuryango w’Ubumwe bw’u Burayi wahagaritse izo ngendo ubwo imirwano yari imeze nabi muri Libya.

Indege ya sosiyete Medsky Airways niyo yahagurutse muri Libya kuri uyu wa Gatandatu irimo abagenzi batanu nk’uko Africa News yabitangaje. Iyi sosiyete izajya ikorera ingendo ebyiri mu cyumweru mu Mujyi wa Roma mu Butaliyani.

Mu myaka ishize abagenzi bavuye muri Libya bagiye mu Butaliyani, byabasabaga kunyura mu mijyi nka Tunis muri Tunisia, Istanbul muri Turikiya cyangwa i Cairo mu Misiri.