Banki y’Isi iherutse gutangaza ko yahagaritse inkunga nshya yari yaremereye Uganda, mu gihe igisuzuma ingaruka z’itegeko rihana abaryamana bahuje ibitsina ryatowe muri Gicurasi uyu mwaka.

Bloomberg yatangaje ko agaciro k’ishilingi rya Uganda ugereranyije n’idolari kagabanutseho 1,76% aho kuri ubu idolari rimwe riri kugurwa amashilingi 3,729.35.

Ni ibintu bishobora gufata indi ntera mu gihe Uganda itahita ibona abandi baterankunga bayifasha gukomeza imishinga Banki y’Isi yagombaga gufasha.

Guverinoma ya Uganda yatangaje ko igiye gushakisha aho ivana andi mafaranga yo gukomeza iyo mishinga, mu gihe Perezida Yoweri Museveni we yavuze ko badateze gupfukamira abanyamahanga kugira ngo bangize indangagaciro igihugu cyabo cyubakiyeho.

Banki y’Isi isanganywe indi mishinga ya miliyari $5,2 muri Uganda gusa kuko yo yari yaratangiye izakomeza guterwa inkunga.