Ni umwanya udafite aho ugaragara mu mategeko ya Kenya, icyakora nyuma yo gutorwa kwa se muri Nzeri uyu mwaka, Charlene yagiye yigaragaza cyane mu ruhame.

Ubwo yari amaze gushyira hanze ikipe izajya imufasha mu kazi, impaka zabaye zose muri Kenya hibazwa aho amafaranga azakoresha azaturuka kandi ntaho imirimo yihaye igaragara mu mategeko y’igihugu.

Ubwo byari bimaze gufata indi ntera, Charlene yavuze ko nta mafaranga ya Leta azakoresha, ahubwo ari aye ku giti cye n’abaterankunga.

Charlene Ruto amaze iminsi azenguruka hirya no hino muri Kenya aganira n’abayobozi batandukanye, ndetse no mu mahanga yagiye ahura n’abayobozi bakomeye.

Hari amashusho aherutse gushyirwa hanze ubwo Charlene yari yagiye muri Tanzania. Abayobozi bari kumwe mu nama yabagaragarije bagenzi be bazanye barimo uwo yavuze ko ari umujyanama we n’undi yise ushinzwe ubucuruzi n’ishoramari mu biro by’umwana wa Perezida.

Charlene Ruto yateje impaka kubera ibiro yashyizeho bitaba mu mategeko ya Kenya