Kuri uyu wa Gatanu ibiciro bishya byatangajwe n’ikigo gishinzwe ingufu muri Kenya, bigaragaza ko litiro ya lisansi yiyongereyeho amashilingi 17 aho yashyizwe ku mashilingi 211.64, ni ukuvuga $1.44 mu gihe mazutu yashyizwe ku mashilingi 200.99

Ubu bwiyongere bw’ibikomoka kuri peteroli bwatumye n’ibiciro by’ingendo byiyongera, aho ishyirahamwe ry’abatwara abagenzi ryatangaje ko ibiciro byiyongereyeho 20%.

Guverinoma iherutse gutangaza ko ubwiyongere bw’ibiciro by’ibikomoka kuri peteroli bwatewe n’ubwiyongere ku isoko mpuzamahanga, bityo ko nta kindi babikoraho.

Kuzamuka kw’ibikomoka kuri peteroli kuje gusonga abanya-Kenya bari basanzwe bahanganye n’ibindi bibazo birimo ibiciro ku masoko byazamutse, imisoro yongerewe n’ibindi byatumye mu ntangiriro z’uyu mwaka hategurwa imyigaragambyo karundura yo kwamagana ubuzima buhenze.

Ibiciro by'ibikomoka kuri peteroli muri Kenya byatumbagiye