Urukiko rwa Kenya rwategetse ko abagabo babiri bakomoka muri Iran bazamara ubuzima bwabo bwose muri gereza, kubera gukekwaho kugira umugambi wo gutera ibisasu mu Mujyi wa Nairobi n’indi mijyi yo muri iki gihugu, umwaka ushize.

Urubuga Voanews dukesha iyi nkuru ruvuga ko Ahmad Mohammed na Sayed Mousavi ari bo bakatiwe mu cyumweru gishize, nyuma yo guhamwa n’icyaha cyo gutegura ibitero, bakaba baranafatanywe ibiro 15 by’ibintu birurika.

Abashinzwe iperereza muri Kenya batangaza ko mu gihe aba bagabo bafatwaga bakekwagaho kugirana isano n’abarwanyi bo muri Al-Qaeda ishami ro muri Somalia.

Abunganizi babo bahakana ko nta cyaha kibahama, batangaje ko bazajuririra igihano bahawe. Bafashwe muri Kamena umwaka ushize.

Ibi bibaye mu gihe abasaga 10 bishwe umwaka ushize bazize ibitero by’ibisasu byabereye mu Mujyi wa Nairobi, ku cyambu cya Mombasa no ku mupaka wa Kenya na Somalia. Guverinoma ya Kenya ikaba yarakunze gutunga urutoki abarwanyi ba Al Shabab zo muri Somalia.