Kenya yabaye igihugu cya kabiri muri Afurika cyatangiye gukoresha 5G

00:00:00 IGIHE NETWORK

KINYARWANDA

ENGLISH

FRANCAIS

Kenya yabaye igihugu cya kabiri muri Afurika cyatangiye gukoresha 5G

Yanditswe na Ndahayo Emmanuel

Kuya 2 April 2021 saa 07:37

Yasuwe :

Yavuzweho:

Ikigo cya Safaricom gitanga serivisi z’itumanaho muri Kenya, cyatangiye gutanga ikoranabuhanga rya internet ya 5G muri icyo gihugu, ibyatumye kiba icya kabiri gitangije iryo koranabuhanga ku Mugabane wa Afurika, nyuma ya Afurika y’Epfo yakiriye iryo koranabuhanga mu mwaka ushize.

5G ni ikoranabuhanga ryihuta inshuro 100 kurusha 4G, Safaricom ikaba yaritangije muri Kenya ku bufatanye n’Ikigo cya Nokia na Huawei.

Peter Ndegwa uyobora Safaricom yavuze ko iyi ntambwe itewe “Ari ingenzi cyane kuri Kenya” mu rugendo rwo kubaka ubukungu bushingiye ku ikoranabuhanga.

Uretse Kenya, ibindi bihugu birimo Uganda, Gabon, Misiri, Lesotho, Maroc na Nigeria birimo gukora amagerageza mu rwego rwo kwitegura gutangiza iryo koranabuhanga mu myaka iri imbere.

Kugeza ubu, 5G ikoreshwa muri 3% bya telefoni ziri ku Isi, ariko byitezwe mu mwaka wa 2025 izaba ikoreshwa muri kimwe cya gatatu cya telefoni zo ku Isi.

Aziya niyo iyoboye ibindi bihugu mu gukoresha 5G, aho 5% bya telefoni ziri kuri uwo Mugabane zikoresha 5G.

Muri Afurika, iri koranabuhanga rikoreshwa gusa na 1% bya telefoni muri Afurika y’Epfo, ariko bikaba byitezwe ko uyu mubare uziyongera bitewe n’uko umumaro wa 5G ugenda wiyongera ku Mugabane.