Muri iki gitondo nibwo M23 yatangaje ko umujyi wa Bunagana ari yo iwugenzura, mu gihe abasirikare benshi ba FARDC bambutse bahungira muri Uganda.

Amashusho agaragaza imodoka nto za gisirikare eshatu n’amakamyo abiri ya Fuso yuzuye abasirikare ba FARDC bambuka umupaka bahunga, hakaba n’abandi basirikare bambutse n’amaguru bahunga.

Abaturage bari bakikije umuhanda wanyuragamo amakamyo y’abasirikare ba FARDC bavuga ko Bunagana yafashwe none bakaba barimo kugenda baririra ku mbunda.

Umwe mu baturage ati "Babakuyemo bagifashe [igihugu], bari kurira, babakuyemo birarangiye".

Umuvugizi w’umutwe wa M23, Major Willy Ngoma, yavuze ko uretse abasirkare ba FARDC bahungiye muri Uganda, hari abandi bivanze n’abaturage kuri ubu abarwanyi be bakaba barimo kugenzura Bunagana.

Ati "Imirwano y’ejo yari ikomeye cyane, abasirikare ba FARDC bari basigaye ku mupaka na bo bahungiye muri Uganda, abandi bavanyemo impuzankano bivanga mu baturage, bataye igifaru, ubu turimo kugenzura Bunagana yose’’.

Iyi mirwano yatumye abaturage barenga 5000 bahunga Bunagana n’inkengero zayo bakerekaza muri Uganda mu gihe abandi barenga ibihumbi 25 bahungiye ku mashuri n’insengero y’i Rwanguba, Kabindi na Kinoni muri teritwari ya Rutshuru.

Amashusho akomeje gucicikana ku mbuga nkoranyambaga aragaragaza ikivunge cy’abaturage benshi ba Bunagana bahungira muri Uganda, aho bahita bakirirwa mu nkambi y’agateganyo ya Nyakabande muri Kisoro, mbere y’uko bajyanwa mu nkambi ya Nakivale iri mu bilometero 200 uvuye aho bari.

Ubuyobozi bw’umutwe wa M23 mu cyumweru gishize bwari bwatangaje ko batangije intambara ifunguye aho bagiye gufata ibice bitandukanye harimo umupaka wa Bunagana uhuza RDC na Uganda.

Radio Okapi yanditse ko hari amakuru yakuye mu gisirikare cya FARDC i Rutshuru avuga ko abasirikare bahawe amabwiriza yo kurekura umujyi wa Bunagana.

Ku mbuga nkoranyambaga kandi hari amafoto y’ibifaru byatawe n’abasirikare ba FARDC bari barinze umujyi wa Bunagana bari guhungira muri Uganda.

Some losses on the battle between #M23 rebels and DRC national Army @FARDC_off in #Rutshuru territory. pic.twitter.com/zxooBZhU8F

— Ignatius Bahizi (@bahizi_i) June 13, 2022

#Congo #RDC
Que les choses soient claires:La video que @wembi_steve a posté, malgré sa bonne fois dont je ne doute pas un instant, montre en fait 1 patrouille UPDF armée Ougandaise patrouillant du coté Uganda. Il n'y a pas soldat Rwandais dans ces imagespic.twitter.com/ymHf1u4k10

— Albert Rudatsimburwa 🇷🇼 (@albcontact) June 13, 2022

🔴#RDC La ville frontalière de #Bunagana est désormais passée sous contrôle du #M23 depuis ce lundi matin. Des soldats #FARDC ont traversé la frontière vers l'#Ouganda (vidéo) pic.twitter.com/uOL9ysljS3

— Christophe RIGAUD (@afrikarabia) June 13, 2022

#Congo #DRC
A yandi ma kuru yo mu ma hanga ya hafi, muri Kongo i n'gabo za FARDC za huunze zi rira.
n'gwino @Rugusuki, u ze ku reeba no kw'umva hano ... nta wa ba bwira ko i n'zira i ganisha mu Rwanda i ta ri aho ngaho?None se nti ba vuze ko bashaka ku za tu gira i n'tara yabo? pic.twitter.com/8HOGp2Iy5i

— Albert Rudatsimburwa 🇷🇼 (@albcontact) June 13, 2022

As #M23 fighters capture the border town of Bunagana #DRC from @FARDC_off, thousands are already displaced, pictures at Nyakabande transit centre in Kisoro as a group of refugees are being taken to Nakivale settlement over 200kms away. pic.twitter.com/4UGG0ppZwI

— Ignatius Bahizi (@bahizi_i) June 13, 2022