FARDC iherutse gushyira hanze amashusho agaragaramo abantu bambaye imyenda ya gisirikare, ivuga ko ari amashusho yafashwe na drones yerekana abasirikare ba M23 mu birindiro byayo mu Burasirazuba bwa Congo.

Bamwe mu bakoresha internet bahise batangira kujora ayo mashusho ndetse bagaragaza ko ari ayafatiwe muri Ukraine mu ntambara ihuje icyo gihugu n’u Burusiya kuko anagaragaramo abazungu.

Major Willy Ngoma binyujije kuri ‘X’ yahoze ari Twitter, yavuze ko abagaragara muri ayo mashusho atari ingabo za M23.

Ati “Bitandukanye n’ibiri gukwirakwizwa ku mbuga, M23 nta basirikare b’abanyamahanga igira cyangwa se abacanshuro. Ni ibinyoma byahimbwe na Guverinoma ngo ihishire intege nke zayo.”

Contrairement à ce qui circule sur la toile,l'ARC/M23 n'a pas dans son rang ni une armée étrangère,ni les mercenaires. le montage du gouvernement pour jobarder l'opinion afin de justifier leur faiblesse,leur incapacité notoire est connu de tout esprit éclairé.

— Willy NGOMA (@WillyNG0MA) December 1, 2023

Ingabo za Congo zimaze iminsi zisumbirijwe na M23 muri teritwari za Rutshuru na Masisi, nyuma yo kubura imirwano mu Ukwakira uyu mwaka.

M23 yanyomoje iby'aya mashusho amaze iminsi akwirakwizwa na Leta ya Congo, avuga ko ari abasirikare ba M23 barimo abanyamahanga