Nyuma yuko umutwe w’inyeshyamba urwanya Leta ya Congo Kinshasa, M23 wemeye gusubira inyuma uva mu gace ka Kibati ngo hakorwe ubugenzuzi bw’ibisasu bivugwa ko byarashwe kuri Goma no mu Rwanda, Leta ya Congo yasabye uyu mutwe gushyira intwaro hasi.
Ku wa Gatanu tariki ya 30 Kanama 2013, M23 yavuze ko igiye gusubira inyuma mu rwego rwo kugira ngo hakorwe ubugenzuzi ku bisasu bivugwa ko byatewe ku butaka bw’u Rwanda no ku bwa Congo, ni muri urwo rwego uyu mutwe wimutse mu gace ka Kibati.
Jeune Afrique ivuga ko Bertrand Bisimwa, umuyobozi mu bya politiki yatangaje ko abasirikare babo bavuye muri ako gace.
Ubutegetsi bwa Kinshasa bwo bwasabye uyu mutwe gushyira intwaro hasi mbere y’ibindi byose. Nyamara M23 yakomeje gusaba ko bakwicara hamwe na Leta ya Kabila, bakaganira ku cyaha iki gihugu amahoro bidaciye mu mirwano.
Ingabo za Monusco zirimo gufatanya n’ingabo za Congo n’umutwe wa FDLR mu kurwanya M23.
TANGA IGITEKEREZO