Uyu munyamategeko wunganiraga umunyapolitiki Venâncio Mondlane, yishwe mu ijoro rishyira kuri uyu wa Gatandatu, araswa n’abantu bitwaje intwaro bataramenyekana.

Venâncio Mondlane ni umwe mu biyamamaje mu matora ya Perezida yabaye mu byumweru bibiri bishize. Yishwe ari kumwe na Paulo Guambe wari umuvugizi w’ishyaka.

Ishyirahamwe riharanira uburenganzira bwa muntu, Centre for Democracy and Human Rights (CDD) ryatangaje ko barashwe amasasu ari hagati 10 kugeza kuri 15.

Polisi ya Mozambique ishinjwa uburangare muri ubu bugizi bwa nabi, kuko nka Guambe yapfuye hashize akanya arashwe nyamara Polisi ikaba ishinjwa kuba yanze kumugeza kwa muganga mu maguru mashya.

Mu gihe ibyavuye mu matora bitaratangazwa muri Mozambique, Mondlane n’ishyaka rye batangaje ko aribo batsinze mu gihe ishyaka Frelimo riri ku butegetsi naryo ryemeza ko ariryo ryatsinze.

Venâncio Mondlane ni umwe mu biyamamarije umwanya w'umukuru w'igihugu mu matora aherutse