Uyu mwana ababyeyi be bavuga ko bamubuze guhera muri Kamena uyu mwaka nyuma y’amagambo yashyize ku mbuga nkorabyambaga, avuga ko Aisha Buhari akabije kubyibuha.

Amakuru bavuga ko yizewe ni uko uwo mwana yafunzwe n’inzego zishinzwe mutekano w’umuryango wa Perezida muri Nigeria.

Ishami ry’umuryango Amnesty International muri Nigeria naryo ryasabye ko uwo mwana w’imyaka 23 afungurwa nta yandi mananiza kubera ko atigeze agezwa mu rukiko.

Nta n’umwe mu buyobozi bwa Nigeria wigeze agira icyo avuga ku ibura ry’uwo mwana.

Umubyeyi w’uwo mwana avuga ko bavuganye kuri telefone inshuro imwe, amubwira ko afungiye Abuja kubera ibyo yanditse kuri Twitter.

Aminu Adamu Mohammed (ibumoso) yafunzwe azira gutuka Aisha Buhari