{Komisiyo y’Amatora muri Nigeria yatanagaje ko amatora y’Umukuru w’Igihugu yari ateganyijwe kuba kuwa 14 Gashyantare 2015, yigijwe inyuma ashyirwa ku wa 28 Werurwe uyu mwaka kubera ikibazo cy’umutekano muke uterwa n’umutwe w’intagondwa za Kiyisilamu , Boko Haram}.
Kuri uyu wa Gatandatu ni bwo Umuyobozi wa Komisiyo y’amatora muri Nigeria, Attahiru Jega, yabwiye itangazamakuru ko yamenyeshejwe n'inzego zishinzwe umutekano ko igihe cyari giteganyijwe nta bacunga umutekano baboneka, kuko baba bari guhangana na Boko Haram mu Majyaruguru ya Nigeria nk’uko BBC yabitangaje.
Abatavuga rumwe n’ubutegetsi buriho banenze icyo cyemezo cyo guhindura itariki y’amatora.
Umunyamabanga wa Leta Zunze Ubumwe za Amaerika, John Kerry, we yanenze icyo cyemezo, avuga ko impamvu za politiki zitagombaga kubangamira ubwigenge bwa Komisiyo y’Igihugu y’amatora, agaragaza ko bibaje kuba Guverinoma yatanze impamvu z’umutekano mu kwigiza inyuma amatora.
Mu matora y’Umukuru w’Igihugu muri Nigeria hari kwiyamamaza abakandida 14, barimo Goodluck Jonathan uri ku butegetsi, unashinjwa integege nke mu guhashya Boko Haram.
Ibitekerezo 0