Amatora yo muri Nigeria yabaye ku wa 23 Gashyantare 2019 nyuma yo gusubikwa ku wa 16 uko kwezi.

Buhari w’imyaka 76 y’amavuko yongeye gutorerwa kuyobora Nigeria manda y’imyaka ine arusha Abubakar amajwi agera kuri miliyoni enye, andi mashyaka iryagize menshi rifite ibihumbi 97.

BBC yanditse ko muri Leta 36 zatoye, ishyaka rya Buhari ryabonye intsinzi muri Leta 19 naho irya Abubakar ribona intsinzi muri 17 no mu Murwa Mukuru Abuja.

Buhari yavuze ko manda ye nshya izibanda ku kuzahura umutekano, ubukungu bw’igihugu no kurwanya ruswa.

Mu 2015, nibwo Buhari wigeze kuba Umugaba Mukuru w’Ingabo yabaye umukandida utavuga rumwe n’ubutegetsi watsinze amatora mu mateka y’iki gihugu ahigitse Goodluck Jonathan wari usanzwe ari Perezida.

Buhari yongeye gutorerwa kuyobora Nigeria