00:00:00 IGIHE NETWORK KN KINYARWANDA EN ENGLISH FR FRANCAIS

Nigeria: Igisirikare cyaburiye abateganya guhirika ubutegetsi bwa Muhammadu Buhari

Yanditswe na Bukuru JC
Kuya 4 Gicurasi 2021 saa 08:06
Yasuwe :
0 0

Igisirikare cya Nigeria cyakuriye inzira ku murima amajwi yari amaze iminsi agisaba gufata ubutegetsi bukava mu maboko ya Perezida Muhammadu Buhari nyuma y’ibibazo by’umutekano bimaze iminsi byugarije igihugu.

Umuvugizi w’igisirikare Brig-Gen Onyema Nwachukwu, yavuze ko icyo cyifuzo nta kaze gihawe mu gisirikare kuko kinyuranyije n’amahame ya demokarasi, ndetse aburira uwo ari we wese bizagaragara ko akorana n’abashaka guhirika ubutegetsi.

BBC yatangaje ko Brig-Gen Onyema Nwachukwu yasubizaga ubusabe bw’umunyamategeko Robert Clarke , wavuze kuri iki Cyumweru ko nta gikozwe ngo ibintu bijye mu maboko y’igisirikare, igihugu gishobora kwisanga cyasenyutse.

Nwachukwu yavuze ko gufata ubutegetsi muri ubwo buryo bihabanye n’amategeko kandi ari ubugambanyi. Ati “Umujinya w’amategeko uzamanukira uwo ari we wese bizagaragara ko afatanya n’abafite uwo mugambi.”

Hashize amezi Nigeria yibasiwe n’ibibazo by’umutekano muke byaranzwe no gushimuta bya hato na hato abanyeshuri ku mashuri, ubwicanyi n’ibindi.

Igisirikare cya Nigeria cyatangaje ko gishyigikiye Perezida Buhari, giha gasopo abatekereza kumuhirika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .