Perezida Félix Tshisekedi yatangije ibikorwa by’Umuganda i Kinshasa

Yanditswe na Twarabanye Venuste
Kuya 20 Ukwakira 2019 saa 06:17
Yasuwe :
0 0

Perezida wa Repubulika Iharanira Demokarasi ya Congo Félix Tshisekedi yatangaje ko guhera ku wa Gatandatu tariki 19 Ukwakira 2019, buri wa Gatandatu wa nyuma w’ukwezi, guhera saa mbili kugeza saa tanu hazajya haba umuganda mu gihugu hose.

Ibyo bikorwa by’isuku rusange mu gihugu hose byiswe ‘Kinshasa Bopeto’ byatangijwe na Perezida Félix Tshisekedi kuri uyu wa Gatandatu, atanga urugero mu murwa mukuru Kinshasa.

Mu butumwa ibiro bya Perezida wa Repubulika muri RDC byanyujije kuri Twitter, byatangaje ko buri wa Gatandatu wa nyuma w’ukwezi hazajya hakorwa umuganda, mu mihanda, ahahurira abantu benshhi, mu masoko, ahakikije inzu z’ubucuruzi, amashuri n’insengero. Uduce tuzajya twitwara neza tuzajya duhembwa.

Perezida wa RDC yatanze urugero akora umuganda mu gusibura imiferege, nk’urugero rwo kugira ngo abaturage bimakaze RDC ifite isuku kandi ibereye buri wese.

Icyo gikorwa cyatangirijwe mu murwa mukuru Kinshassa cyiswe ‘Kinshasa Bopeto’ byitezwe kizakwirakwira mu mijyi yose.

Abaturage batandukanye bo muri Congo bagaragaje ko bishimiye iyo ntambwe.

Ibikorwa by’umuganda wo gusukura umujyi wa Kinshasa bizajya bitwara 20 % by’ingengo y’imari uwo mujyi ukoresha buri mwaka.

Ubusanzwe igikorwa cy’umuganda ngarukakwezi cyizwi mu Rwanda aho abaturage n’abayobozi bahurira hamwe bagakora ibikorwa rusange bigamije iterambere n’imibereho myiza y’abaturage.

Tshisekedi yavuze ko buri kwezi bzajya bahemba agace kagaragaje isuku kurusha utundi i Kinshasa
Perezida Tshisekedi ubwo yakoranaga n'abaturage umuganda
Ubwo Perezida Tshisekedi yaganirizaga abaturage nyuma y'umuganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza