00:00:00 IGIHE NETWORK KN KINYARWANDA EN ENGLISH FR FRANCAIS

RDC: Abasenyewe na Nyiragongo baracyabunza akarago

Yanditswe na Umutoni Rosine
Kuya 14 Nzeri 2021 saa 06:16
Yasuwe :
0 0

Nyuma y’amezi ane ikirunga cya Nyiragongo kirutse kikangiza byinshi birimo inzu, abo cyasenyeye baracyagowe no kubona aho kurambika umusaya.

Hari abo mu mujyi wa Goma bari barahawe icumbi ku kigo cy’ishuri ariko baherutse kwirukanwamo kuko amashuri agiye gufungura imiryango.

Africa News yatangaje ko hari imiryango igera ku 160 yahisemo kubamba amahema mu marembo y’isoko rya Kisoko, mu gace kazwi nka Kasika muri Goma.

Iyo miryango ifite impungenge y’imvura y’umuhindo, dore ko akenshi amahema atabasha kubakingira ubukana bw’imvura nk’iyo.

Donatien Bagabwa uyobora agace ka Kasika, yavuze ko bagishakisha aho kwimurira iyo miryango.

Jack Sinzahera uharanira uburenganzira bwa muntu, yavuze ko kuba hashize amezi ane Leta ntacyo ikora ngo ifashe abo baturage, ari ukudaha agaciro ubuzima n’uburenganzira bwabo.

Ikirunga cya Nyiragongo cyarutse mu buryo butunguranye muri Gicurasi uyu mwaka, gituma ibihumbi by’abaturage bava mu byabo.

Bamwe mu basenyewe na Nyiragongo baracyabunza akarago, bakeneye kubona aho gukinga umusaya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .