RDC: Abaturage 502 bishwe na Ebola mu mezi atandatu ashize

Yanditswe na Akayezu Jean de Dieu
Kuya 9 Gashyantare 2019 saa 01:58
Yasuwe :
0 0

Minisiteri y’Ubuzima muri Repubulika Iharanira Demukarasi ya Congo yatangaje ko icyorezo cya Ebola kimaze guhitana ubuzima bw’abaturage bagera kuri 502 mu mezi atandatu ashize, mu Burasirazuba bw’iki gihugu.

Ku mugoroba wo kuri uyu wa Gatanu nibwo iyi minisiteri yatangaje ko abamaze gupfa bose ari 502 naho abagera kuri 217 bamaze kuvurwa iyi ndwara.

Jeune Afripue dukesha iyi nkuru ivuga ko muri aba 502 harimo abo byamaze kwemezwa ko bapfuye 441 mu gihe abandi 61 ari abo bikekwa ko baba barapfuye.

Ni ku nshuro ya kabiri mu mateka icyorezo cya ebola gihitana abantu benshi nyuma y’uko mu 2014 cyahitanye abarenga ibihumbi 11 mu bihugu bya Guinea, Liberia, Sierra Leone mu Burengerazuba bwa Afurika.

Umujyi wa Beni muri RDC niwo wagezweho cyane n’iki cyorezo dore ko hamaze gupfa abagera ku 147. Kuva ku wa 8 Kanama 2018, abasaga ibihumbi 76 bakingiwe iyi ndwara.

Mu Ukuboza 2018 Minisitiri w’Ubuzima, Oly Ilunga, yavuze ko gukingira byatumye barinda ibihumbi by’abaturage bagombaga guhitanwa n’iyi ndwara.

Ebola imaze guhitana ubuzima bw'abagera kuri 502 muri RDC mu mezi atandatu ashize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza