Ibi bikorwa biravugwa mu duce twa Rusammabu,Miriki,Fatua,Bunama Mashuta,Buleusa,Bukumbirwa, n’utundi duherereye hagati ya Lubelo na Walikare

Abaturage baho barimo umukuru w’agace kitwa Kanama, babwiye Radiyo Okap tariki ya 15 Gicurasi, uwitwa Kisangani Kambale yaciwe umutwe utwarwa n’abo barwanyi.

Aya makuru avuga ko hari n’ahantu hatahuwe imva enye ku cyumweru tariki ya 17 Gicurasi 2015, ndetse ko hari umugabo wakubiswe agahambwa akiri muzima n’abarwanyi ba FDLR/Foca (Igice kimwe cyitandukanije n’umutwe wa FDLR) biturutse ku itegeko rya Col. Kizito.

Umukuru w’ako gace, Bokele Joy avuga ko abaturage bahuye n’ihungabana biturutse kuri ibi bikorwa, agasaba Leta ya Kongo Kinshasa gukora ibishoboka byose igakiza abaturage ibi bikorwa bibabaje.