Amakuru avuga ko ibi bitero byatangiye kugabwa muri ako gace kuva ku wa Gatandatu tariki 31 Gicurasi ariko ngo birakomeje.

Radio Okapi yatangaje ko imiryango itegamiye kuri leta ivuga ko abantu bangana na 70% bari batuye aka gace, ubu bataye ingo zabo bahungira mu bice bya Kiwanja abandi bakerekeza mu gace ka Kiseguru.

Iyi miryango yatangaje ko muri ibi bitero abaturage batatu bishwe, abandi babiri barakomereka amaguriro arasahurwa.

FDLR imaze igihe ikorera muri Congo, ishinjwa ibikorwa by’ubugizi bwa nabi birimo ubwicanyi, gufata ku ngufu, ubujura n’ibindi bibangamiye umutekano w’abaturage.

FDLR imaze igihe ihitana abantu benshi muri Congo