Minisitiri w’itumanaho no gutwara abantu n’ibintu, Chérubin Okende yavuze ko iyo sosiyete izashingwa ku bufatanye na Ethiopian Airlines isanzwe ikora ingendo z’indege ariko imigabane myinshi ikazaba ari iya Guverinoma ya Congo.

Okende yavuze ko bifuza ko Air Congo iba sosiyete y’indege ihangana n’izindi ku rwego mpuzamahanga.

Ibijyanye no gutwara abantu n’ibintu muri Congo hari hashize igihe harimo ibibazo nyuma y’ibihombo n’imikorere mibi ya Congo Airways yafatwaga nka sosiyete nkuru muri icyo gihugu.

Ibibazo byatangiye ubwo amasezerano yari ari hagati ya Kenya Airways na Congo Airways arangiriye ntavugururwe.

Air Congo yitezweho imikorere myiza itandukanye n'iya Congo Airlines