Ni amakuru yatangajwe ku mbuga nkoranyambaga zitandukanye agaragaza ko uyu mugabo uri mu bakomeye muri Minisiteri y’Ingabo yatawe muri yombi ku wa Gatandatu, tariki ya 27 Gicurasi 2023.

Nubwo Guverinoma ya RDC itaratangaza byeruye ibyaha uyu akurikiranyweho ariko hari amakuru avuga ko bifitanye isano na dosiye y’uwari Minisitiri w’Ingabo, Gilbert Kabanda kuko Gen. Maj Aimé Mbiato Konzoli yanabaye umuyobozi mu biro bye.

Tariki ya 24 Mata 2023 ni bwo Perezida wa Repubulika Iharanira Demokarasi ya Congo, Félix Antoine Tshisekedi, yagize Jean Pierre Bemba usanzwe ari umwe mu banyepolitiki bakomeye muri iki gihugu, Minisitiri w’Ingabo.

Si ubwa mbere muri iki gihugu minisitiri atabwa muri yombi kuko muri Mata 2023 Minisitiri ushinzwe ibikomoka kuri Peteroli muri Repubulika ya Demokarasi ya Congo, Didier Budimbu, yahaswe ibibazo n’Urwego rushinzwe Iperereza (ANR) ndetse amara amasaha 24 muri kasho zarwo ariko aza kurekurwa.

Umuyobozi Mukuru muri Minisiteri y’Ingabo, Gen. Maj Aimé Mbiato Konzoli, yatawe muri yombi