Minisitiri w’Ubuzima, Riek Gai Kok, yavuze ko aba bana bapfuye bari bafite ibimenyetso birimo umuriro mwinshi, kuruka, impiswi; abandi bagera kuri 32 bo babashije gukira.
Reuters dukesha iyi nkuru ivuga ko abaganga bakingiye aba bana batari barabyigiye, ndetse batigeze bahabwa amahugurwa mu bijyanye n’inkingo, nk’uko byemejwe na Kok.
Abana bagera kuri 300 bo mu gace ka Nacholdokopele mu ntara ya Eastern Equatoria, nibo bahawe urukingo rw’iseru hagati ya tariki ya 2-5 Gicurasi 2017.
Raporo yakozwe n’itsinda ry’inzobere yasanze aba bana barishwe no kwandura ku rukingo, bitewe no gukoresha urushinge rumwe inshuro nyinshi.
Ibitekerezo 0