Sudani y’Epfo: Ba Visi Perezida batatu muri batanu bamaze kwandura coronavirus

Yanditswe na Umutoni Rosine
Kuya 31 Gicurasi 2020 saa 05:36
Yasuwe :
0 0

Visi Perezida wa kabiri wa Sudani y’Epdo, James Wani Igga yanduye coronavirus, aba Visi Perezida wa gatatu w’icyo gihugu wanduye icyo cyorozo muri batanu bemewe n’amategeko.

Kuri uyu wa Gatandatu Igga yavugiye ijambo kuri Televiziyo y’Igihugu, asaba abaturage bose kwipimisha coronavirus kugira ngo bamenye uko bahagaze bafashe mu rugamba rwo kwirinda ikwirakwira ryayo.

Mu cyumweru gishize nibwo Visi Perezida wa Mbere Riek Machar na Visi Perezida wa Kane Hussein Abdelbagi bavuze ko banduye coronavirus.

Visi Perezida wa gatatu Taban Deng Gai na Visi Perezida wa Kane Rebecca Nyandeng De Mabior nibo batarandura coronavirus.

Mu bandi bayobozi bo muri Sudani y’Epfo basanzwemo coronavirus harimo Minisitiri w’itumanaho Michael Makuei Lueth na Minisitiri w’ingabo Angelina Teny, usanzwe ari umugore wa Machar.

Abantu basaga 990 nibo bamaze kwandura coronavirus muri icyo gihugu, batandatu barakize naho 10 barapfuye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .