Guhera kuri uyu wa Gatanu, nta ngendo z’indege zemewe hagati y’u Bwongereza na Afurika y’Epfo, Namibia, Botswana, Zimbabwe, Lesotho na Eswatini.

Minisitiri w’Ubuzima mu Bwongereza, Sajid Javid, yatangaje ko uwo mwanzuro wafashwe mu kwirinda ukwihinduranya gukabije kwa Covid-19 kugaragara muri ibyo bihugu.

Afurika y’Epfo imaze iminsi itangaza ko hari ubwoko bushya bwihinduranya bwa Covid-19 mu banyeshuri bo mu mujyi wa Pretoria, nk’uko BBC yabitangaje.

Kuri uyu wa Gatanu muri Afurika y’Epfo hateganyijwe inama y’Umuryango Mpuzamahanga wita ku Buzima, iza kuba yiga ku bwoko bushya bwa Covid-19 yihinduranya.

Indege ziva muri Afurika y'Epfo zerekeje mu Bwongereza zabaye zihagaritswe